Bak jou gunsteling kolwyntjie resep. Sny ‘n gaatjie uit in die middel. Maak melktert vulsel en skep in kolwyntjie. Sit die dekseltjie terug. Smelt sjokolade, gooi bo-oor en laat afkoel.

Promosie

Kolwyntjies (maak 12 kolwyntjies)

Bestanddele:

3 eiers
175 g (210 ml) strooisuiker
175 g (315 ml) bruismeel
175 g (190 ml) botter teen kamer temperatuur
5 ml vanieljegeursel

Promosie

Metode:

Verhit oond tot 180 °C. Voer kolwyntjiepannetjies uit met papierbakkies en spuit met kleefwerende sproei. Plaas al die bestanddele in die mengbak van ‘n elektriese menger en klits vir 3-4 minute. Verdeel mengsel tussen bakkies en plaas in warm oond. Bak vir 15-20 minute of tot goudbruin en ‘n toetspen skoon uitkom.

Melktert vulsel

Bestanddele:

1 blik kondensmelk
1 liter melk
2 eiers – geskei
1 teelepel vanilla
2 eetlepels botter
75 mℓ mielieblom (maizena)
25 mℓ vlapoeier
sout

Metode:

Kook kondensmelk en melk saam.
Maak “maizena” & vlapoeier aan met bietjie melk.
Voeg eiergele by. Klits goed
Voeg sout by en roer in melkmengsel. Kook tot gaar. Haal van stoof af.
Vou botter, styfgeklitste eierwit en vanielje in.

(Resep deur Kreatiewe Kos Idees)