Dit gebeur so dikwels dat ’n paartjie baie goed oor die weg kom en wonderlike maats is vir baie jare lank. Dan kom hulle mettertyd agter hulle het baie geleidelik, maar baie beslis, heeltemal uitmekaar uitgedryf. “Ons leef soos vreemdelinge in dieselfde huis… Ons het mekaar ontgroei… Ons is net beleefd teenoor mekaar, maar het eintlik baie min om vir mekaar te sê… Ons is eintlik net bymekaar ter wille van die kinders… Aan die begin kon ons oor so baie dinge gesels, ons was beste vriende, maar nou verstaan ons nie wat aangaan nie.. Ons het niks meer gemeen nie!”

‘n Paar waarhede om oor te dink:

In ’n gesonde verhouding is mense interafhanklik van mekaar, eerder as dat een afhanklik is van die ander. Dit behels gesonde interaksie, die deel van verantwoordelikhede, die gesonde gun van elkeen se individualiteit en ruimte. Twee bootjies, maar hulle reis langs mekaar en die roeiers kan gereeld oogkontak
maak, mekaar aanmoedig en selfs soms mekaar tydelik help roei, maar een roeier kan nooit permanent ’n ander se boot namens hom of haar roei nie – dan sal hulle in die moeilikheid kom. Elkeen kan ook nie op sy eie afdraaistroompie gaan en hoop hulle kom weer eendag naby mekaar uit nie.
(nog 3 waarhede om oor te dink is beskikbaar in die volledige artikel).

’n Paar stukkies gereedskap om aan te wend as jy ervaar julle dryf uitmekaar

Vind elkeen op sy of haar eie weer uit wie is elke individu nou weer – waarvan hou ek, wat is my drome nou? Het my uitkyk oor enige iets verander? Wat wil ek nog graag bereik? Wat kom ek agter laat my lewendig voel? Waarvan wil ek meer in my lewe hê? Wat of wie inspireer my?
(nog 7 stukkies gereedskap is beskikbaar in die volledige artikel).

Hierdie is ‘n uittreksel uit ‘n vorige uitgawe, INTIEM Apr/Mei 2016. Kry die digitale uitgawe deur die skakel te volg: http://bit.ly/INTIEM_Apr_Mei_2016